RASIN – Festival Atizay se yon platfòm kiltirèl ki chita sou valorizasyon patrimwàn ak divèsite atistik Ayisyen. Li rasanble atis – ekriven, komedyen, mizisyen, ak atizan – pou selebre rasin yo atravè teyat, mizik, dans tradisyonèl, atizay vizyèl, ak literati. Festival la sèvi kòm yon espas pou pataje konesans, ankouraje inisyativ kreyatif, epi fòme yon lyen solid ant tradisyon ak kreyativite.

RASIN fè pwomosyon pou eritaj kiltirèl Ayisyen. Li ofri atis lokal yo espas pou ekspoze travay yo, alafwa pou fè yo rive touche yon pi gran odyans e pou kreye opòtinite pwofesyonèl. Gras a atelye, kozri ak konferans, li ofri patisipan yo opòtinite pou aprann plis sou Atizay, epi dekouvri potansyèl kreyatif yo.

Edisyon pase yo

Prix Poésie Jean-Élie François

Aktivite sa a fèt pou onore eritaj literè Jean-Elie François pandan li ankouraje nouvo jenerasyon ekriven pwezi yo fè tande vwa yo.

plis detay

Atelye yo

RASIN – Festival Atizay ofri yon seri atelye pou patisipan yo aprann, pataje konesans, epi eksplore kreyativite yo nan diferan domèn atistik ak kiltirèl. Soti sou premye edisyon an, pwogramassyon RASIN ofri atelye slam, fotografi, teyat, sinema ak papyemache.

plis detay

RASIN 2025

Pou ane sa, RASIN – Festival Atizay ap prezante yon nouvo edisyon ki pi rich, pi kreyatif, epi pi angaje! Ane 2025 la pral make yon nouvo chapit nan misyon nou pou selebre kilti Ayisyen an.

plis detay

Pwogram benevola

RASIN ap ofri yon opòtinite inik pou travay avèk yon ekip pasyone, kontribye nan òganizasyon festival la, epi sipòte atis yo pandan evènman yo.

Kòm volontè, w ap ka kontribye nan òganizasyon, lojistik, akèy, ak sipò pou pèfòmè yo.

Enskri kòm benevòl

Pwochen aktivite

Soutni RASIN – Festival Atizay

Patisipe nan fè kilti nou briye pi plis! Avèk don w, ou ka ede pwomosyon patrimwàn Ayisyen an epi sipòte atis k ap travay pou fè tradisyon nou yo ret vivan. Chak kontribisyon konte!

Fè yon don jodi a